Direk Erik, na-fake news!
ITINANGGI ni Direk Erik Matti ang nasulat na nagbitiw siya bilang direktor ng Darna. Ipinost niya ang news item na nagsasaad ng paliwanag sa umano’y pagbibitiw niya sa nasabing big project.
“Just had a few people text me about this. This is not true. Fake news. I’ve been with the Darna project for 5 years now and I am still here along with my team. I maybe a hard ass but I’m not a quitter. When I accept a project, I see it through to the end whether it’s a tough climb or an easy one. I owe it to everyone who committed to the project to always see it through and be the last person to waver and have doubts about the project we embark on. And for Darna, no matter the years we put in, our commitment to see it through stays. I am a finisher. # theprojectthatshouldnotbenamedyet.”
Nagpasalamat naman ang fans ni Liza Soberano na nilinaw ni Direk Erik ang nasulat na balita, dahil malinaw na tuloy pa rin ang Darna. Matagal na raw nilang hinintay ang paglipad ni Darna at gusto ng fans na si Erik pa rin ang magdidirek ng pelikula.
May mga natuwa naman sakaling totoong binitiwan na ni Direk Erik ang project, at wish nila na sana ay fake news din na si Liza ang gaganap na Darna. Marami pa rin kasing netizens ang gustong si Angel Locsin pa rin ang gumanap na Darna.
Gaya nang naibalita na namin, tuluy- tuloy ang physical training ni Liza bilang paghahanda para sa shooting ng Darna. Natutuwa ang fans na makita si Liza na fit, welltoned ang muscles sa mga braso, at magkakaroon na rin ng abs.