Sexual assault vs Sylvester Stallone, iniimbestigahan
INIHAYAG
ng Los Angeles prosecutors nitong Miyerkules na nirerebisa ng kanilang sex crimes team ang kaso laban sa
Rocky actor na si Sylvester Stallone. Hindi nagbigay ng detalye ang kinatawan ng Los Angeles District Attorney’s Office na si Greg Risling, ngunit sinabi niyang ang kaso ay iprinisinta ng pulisya sa California beach city ng Santa Monica.
Tumanggi namang magpaunlak ng komento ang nga tagapagsalita ni Sylvester, 71, nang tinawagan nitong Miyerkules.
Noong Disyembre, isiniwalat ng abogado ni Sylvester, si Attorney
Martin Singer, na “(the woman) filed a police report alleging a rape that occurred 27 years ago.”
“My client categorically disputes the claim,” lahad ng abogado sa isang pahayag nang panahong iyon.
Inihayag naman ng Santa Monica Police noong Disyembre na iniimbestigahan nila ang reklamo na isinampa noong Nobyembre 2017, sa umano’y pangmomolestiya ng aktor noong 1990s. Naging tanyag si Sylvester noong 1976 dahil sa kanyang Oscar- winning boxing movie na Rocky, at naging isa sa pinakamalalaking action star sa Hollywood sa pamamagitan ng Rambo at Rocky film franchises. May kumplikadong batas para sa mga limitasyon ang California para sa criminal prosecutions ng sexual abuse, ngunit ang mga paglabag ay nararapat lamang na madinig sa loob ng sampung taon. Bumuhos ang mga akusasyon sa Hollywood sa loob ng nakalipas na walong buwan, na isiniwalat ng kababaihang umano’y naging biktima ng sexual assault, laban sa napakaraming aktor, direktor at filmmakers, na nagresulta sa pagbibitiw ng mga akusado mula sa kanilang posisyon.