Paaralan sa California, ipinangalan sa Pinoy journalist
MOUNTAIN VIEW, Calif. (AP) — Sa kabila ng kaguluhan sa U.S. immigration policies, napagdesisyon ng California school board na ipangalan ang bagong elementary school sa isang Pinoy na award-winning journalist na nagsiwalat noong 2011 na naninirahan siya sa Amerika nang ilegal.
Pinagbotohan ng Mountain View Whisman School District board nitong Huwebes na ipangalan ang bubuksang paaralan kay Jose
Antonio Vargas, dinaig si Steve Jobs at ang iba pang technology giants na may kauganayan sa San Francisco Bay Area’s high-tech Silicon Valley.
“We wanted to pick someone who embodied the values of what you can do with an education, as Jose does,” pahayag ni Laura Blakely, school board president, sa San Francisco Chronicle.
Ang hakbang ay bunsod ng lumalalang pambabatikos sa Trump administration mula sa humanrights advocates hinggil sa mga polisiya nito sa immigration.
Ha los 2,000 menorde- edad ang napahiwalay sa kani- kanilang pamilya sa U.S. border sa nakalipas na anim na linggo, sa kasagsagan ng paninita sa illegal crossings, ayonsa Associated Press. Inihayag din ni U.S. Attorney General Jeff
Sessions na ang asylum protection ay hindi na ipagkakaloob sa mga biktima ng domestic violence at gang violence.
Nag-migrate si Vargas, kasama ang kanyang pamilya, mula sa Pilipinas papuntang Amerika nang siya ay 12 taong gulang pa lamang. Nagtrabaho rin siya sa Chronicle sa kanyang early career. Nakatanggap din si Vargas ng Pulitzer Prize for journalism at tumanggap ng posisyon bilang immigration activist.
Isiniwalat niya ang kanyang undocumented status sa isang New York Times Magazine essay noong 2011.
“As a proud product of the Bay Area’s public school system, I am overwhelmed by this totally unexpected and deeply meaningful honor,” lahad ni Vargas sa isang pahayag. Bubuksan ang paaralan sa Agosto 2019. “He’s been the face of the American dream for so many students who came here as children, and really grew up as Americans without having citizenship,” saad ni Blakely.