Sexual assault pa vs Harvey Weinstein
INIHAYAG ng Manhattan district attorney nitong Lunes ang bagong criminal charges laban sa film producer na si Harvey Weinstein, dahil sa umano’y pangmomolestiya niya sa ikatlong babae, na nagsampa ng kaso laban sa kanya.
Nakasaad sa bagong kaso na sapilitan umanong pinag-perform ni Harvey ng oral sex ang nasabing babae noong Hulyo 2006. Ang mga bagong kaso, na kinabibilangan ng predatory sexual assault, ay may sentensiyang 10 taon hanggang hambuhay na pagkakakulong, ayon sa District Attorney Cyrus Vance.
Si Weinstein, 66, na naging isa sa pinakamakakapangyarihang filmmakers sa Hollywood, ay nag- plead ng not guilty sa unang set ng mga kaso at sinabi niyang hindi siya kailanman namilit sa pakikipagtalik. Hindi pa nagbibigay ng komento ang kanyang abogado na si Benjamin Brafman.
Nag-isyu si Atty. Vance ng statement tungkol sa bagong charges at sinabing, “This indictment is the result of the extraordinary courage exhibited by the survivors who have come forward. Our investigation continues.”
Mahigit 70 babae— karamihan ay batang aktres at iba pang kababaihan na may kinalaman sa aspeto ng negosyo ni Harvey—ang nag-akusa sa kanya ng sexual misconduct, kabilang ang rape, sa sunudsunod na insidente na nagsimula pa ilang dekada na ang nakalipas. Nagbunga ang mga akusasyon sa pagkakatatag ng #MeToo movement, kung saan isinapubliko ng daan- daang babae ang pangmomolestiya at pangaabuso sa kanila ng mga makapangyarihang tao sa negosyo, gobyerno at entertainment. Nakalaya si Harvey nang magpiyansa ng $1 million makaraang sumuko nitong Mayo upang harapin ang unang set ng charges, na bunga ng ilang buwang imbestigasyon ng New York Police Department. Hindi naman pinangalanan ng mga prosecutor ang mga babaeng nag-akusa kay Harvey ng sexual assault. Nang naglabasan ang mga alegasyon laban sa kanya, sinibak ang film mogul ng Weinstein Co’s board, at nag-file for bankruptcy ang kumpanya noong Marso, gayundin, tinanggal ng Academy of Motion Picture Arts and Sciences si Harvey. Sa mga nakalipas na taon, ilang beses na ginawaran ng Oscars ang filmmaker dahil sa mga pelikulang tumulong para ipakilala ang independent cinema noong 1990s. Kalaunan ay tinanggal ng Miramax at ng Weinstein Co. ang mga pelikulang gaya ng Shakespeare in Love, Pulp Fiction, Sex, Lies and Videotape, The Crying Game at The King’s Speech.
Samantala, inihayag ng Metropolitan Police ng London at Los Angeles prosecutors na sinusuri nila ang mga alegasyon ng sexual assault laban kay Harvey.