Manukan sa Pangasinan, pineste

Naalarma ngayon ang ilang poultry owner sa Pangasinan kasunod ng pagdami ng manok na namamatay sa bayan ng Mangaldan.

Nilinaw ni Merly Cusion, Mangaldan municipal agriculturist, na umabot na sa 150 manok ang nagpositibo sa Newcastle’s Disease sa Barangay Guesang matapos sumailalim sa pagaaral ng Department of Agriculture (DA) ang samples na kanilang ipinadala sa kalapit na bayan ng Sta. Barbara.

Sa monitoring ng tanggapan, pawang alagang manok ng magkakatabing pamilya ang nangamatay.

Patuloy pa rin ang pag-iikot ng mga awtoridad sa bawat poultry raiser upang magpaalala na mag-disinfect na nang maiwasan ang bagong kaso.