Suelo, Jr. handa sa pagdepensa sa Singapore Open
SINGAPORE -- Handang-handa na si Arena Grandmaster (AGM) at Fide Master (FM) elect Roberto Ramos Suelo Jr. na maidepensa ang tangan na titulo sa pagtulak ng July edition ng tinampukang Asean Chess Academy (ACA) Rapid Open Chess Championships ngayon sa Bukit Timah Shopping Centre.
“I hope to perform well in this event,” sabi ni Suelo na aktibong miyembro ng International Churches of Christ (ICOC) sa Singapore.
Ating magugunita ni Suelo na isang chess instructor at chess coach dito ay dalawang beses nagkampeon sa prestigious Asean Chess Academy (ACA) Rapid Open Chess Championships nitong Mayo.
Siya ang nagkampeon sa Labor Day Tournament nitong Mayo 1, 2018 na sinundan ang paghahari sa Mayo 13, 2018 rapid chess event.
Si Suelo na dating top player ng Barangay Malamig Rizal Technological University sa Mandaluyong City ay nangunguna din sa SCF HP Invitational Training League (Standard Time Control).
Nitong nakaraang weekend ay tinalo ni Suelo si Zhengyong Jayden Wong matapos ang 43 moves ng French Defense sa Round 1. Makakalaban niya si Siew Kai Xin sa Round 2 Sabado ng gabi, Hulyo 7, 2018 na ginaganap sa Singapore Chess Federation headquarter dito sa Bishan Street.
Nakatakda din siyang maglaro sa 15th Malaysian Chess Festival sa Agosto 17 hanggang 27, 2018, sa Penang International Open at Johor International Open sa Disyembre sa Malaysia para sa pagkampanya niya sa coveted International Master (IM) title bago matapos ang taong ito.