Tricycle kumalas, pamilya duguan

CAPAS, Tarlac - Nagtamo ng sugat sa iba't ibang parte ng katawan ang tricycle driver at dalawang sakay nito nang matanggal ang sidecar ng tricycle sa Barangay Sta. Lucia, Capas, Tarlac, kamakalawa ng umaga.

Kinilala ang mga biktima na sina Jerson Velasco, 33, driver ng tricycle (CB- 18037); asawa niyang si Liezel, 33; at anak nilang si Jasmin, 1, pawang ng Sitio Landing, Bgy. Sta. Lucia, Capas, Tarlac.

Sa imbestigasyon, sakay ang mga biktima sa tricycle at binabaybay ang silangang bahagi ng Bgy. Sta. Lucia, Capas, Tarlac nang matanggal ang sidecar nito hanggang bumangga sa punongkahoy, bandang 11:15 ng umaga.