Paghati sa Aklan, pinagtibay
Pinagtibay ng Kamara sa pangatlo at pinal na psagbasa ang House Bill 7522, na naglalayong hatiin sa dalawang distrito ang Aklan.
Layunin ng panukala ni Rep. Carlito Marquez na mapabuti ang representasyon ng lalawigan at mapalakas ang serbisyo ng gobyerno para sa mga Aklanons.
Batay sa panukala, ang Unang Distrito (First Legislative District) ay binubuo ng bayan ng Altavas, Balete, Banga, Kalibo, New Washington, Libacao, at Madalang.
Ang Ikalawang Distrito (Second Legislative District) ay binubuo ng Buruanga, Ibajay, Lezo, Makato, Malay, Malinao, Nabas, Numancia, at Tangalan.