Himbing na pulis, ginising ng sermon
Sugatan ang isang pulisBasilan, gayundin ang kanyang kaibigan, makaraan silang pagbabarilin ng riding- intandem sa Caloocan City, nitong Linggo ng gabi.
Parehong ginagamot sa ospital sina PO1 Allan Nocom, 43, nakatalaga sa Basilan Police Provincial Office; at kaibigan niyang nakilala lamang bilang “Dodong”, kapwa residente ng Barangay 117 ng lungsod.
Sa inisyal na imbestigasyon ng pulisya, bandang 8: 00 ng gabi at nagkukuwentuhan ang mga biktima nang biglang sumulpot ang dalawang lalaking magkaangkas sa motorsiklo at pinaputukan ang magkaibigan.
Tinamaan sa katawan ang pulis habang nabaril naman sa paa ang kanyang kaibigan.
Kaagad na tumakas ang mga suspek nang maglabasan ang mga taong nakarinig ng sunud-sunod na putok.
Ayon kay Supt. Ferdie Del Rosario, Assistant Chief of Police for Administration ( ACOPA), nagsasagawa na sila ng followup operation para mabatid ang motibo ng pananambang, na ayon sa imbestigasyon ay si PO1 Nocom talaga ang target.