Region 1 naghahanda sa bagyo

DAGUPAN CITY - Pinayuhan kahapon ng Office of Civil Defense (OCD)-Region 1 ang publiko na maging handa sa magiging epekto ng habagat sa Northern Luzon, na maaaring idulot ng bagyong ‘Gardo’.

Ayon kay Mechito Castro, OCD regional director, nagsasagawa na ng emergency preparedness response meeting ang Pangasinan, La Union, Ilocos Norte, at Ilocos Sur kaugnay ng kalamidad.

Ang bawat Provincial Disaster Risk Reduction Management Office ( PDRRMO) ay magpapaalala sa mga komunidad tungkol sa identified critical areas.

Hinikayat din ang malawakang alerto at monitoring ng mga lokal na pamahalaan.