Inuman niratrat, 2 patay

Patay ang magkaibigan nang paulanan ng bala habang nag- iinuman sa Malabon City, kamakalawa ng gabi.

Dead on the spot sina Khain Cell Ignacio, 18; at Jobert Cabigao, 29, dahil sa tinamong bala sa iba’t ibang bahagi ng katawan.

Sa report, nag- iinuman ang mga biktima at ang dalawa pa nilang kaibigang lalaki sa isang bahay sa Rivera Street, Barangay Tinajeros, Malabon City, dakong 6: 30 ng gabi.

Makalipas ang ilang minutong sunud- sunod na putok ng baril, natagpuang nakahandusay na sina Cabigao at Ignacio.

Ayon sa mga saksi, hindi pinangalanan, dalawang lalaki at isang babaeng sakay sa motorsiklo ang humarurot matapos ang pamamaril.

Patuloy ang imbestigasyon sa insidente.