Obrero tigok sa landslide
Patay ang isang obrero makaraang matabunan ng gumuhong lupa sa isang construction site sa Muntinlupa City, nitong Lunes ng hapon.
Binawian ng buhay sa Ospital ng Muntinlupa si Hedito Sagawa, nasa hustong gulang, construction worker, dahil sa matinding pinsala sa katawan.
Sa inisyal na ulat ng Muntinlupa City Police, naganap ang insidente sa isang construction site sa panulukan ng Industry at Finance Streets, Madrigal Business Park 1, Ayala Alabang sa nasabing lungsod, bandang 2: 10 ng hapon.
Dahil sa tuluy- tuloy na pag- ulan, lumambot ang lupa sa lugar kaya gumuho ang isang bahagi ng hinukay ng mga construction worker at natabunan si Sagawa.
Agad naiahon ang biktima at isinugod sa ospital ngunit dead on arrival.