Nakatenggang R10- M tulay, inirereklamo

SAN JOSE CITY - Nanawagan si San Jose City, Nueva Ecija Mayor Mario Salvador sa Department of Public Works and Highways (DPWH) na imbestigahan ang matagal nang naantalang konstruksiyon ng isang tulay, na ginastusan pa ng P10 milyon, sa nasabing lungsod.

Nagpasaklolo ang alkalde kay DPWH Secretary Mark Villar, upang masilip ang nasisira nang tulay na matatagpuan sa Barangay Sibut.

Aniya, pinabayaan na lamang ng contractor ng proyekto ang nasabing tulay.

“Gagawa nga sila nang bahagya, tapos matagal na panahong nakatengga”, ayon sa alkalde.