Kagawad umawat, patay
CAMP DIEGO SILANG, La Union – Dead on arrival sa ospital ang isang barangay kagawad makaraang masaksak sa victory party ng mga kandidato sa Tio-angan, Bagulin, La Union, nitong Lunes ng gabi.
Kinilala ni La Union police information officer, Chief Insp. Silverio Ordinado, Jr., ang biktima na si Reynaldo Piloy at ang suspek na si Andres Sangao, kapwa residente ng nasabing barangay.
Sa imbestigasyon, inawat ni Piloy ang nagtatalong grupo habang nagiinuman nang mag-init umano ang ulo ni Sangao at kumuha ng kutsilyo saka pinagsasaksak ang biktima.
Patuloy ang pagtugis kay Sangao.