30 OFWs umuwi

May 30 Pilipino ang umuwi kahapon mula sa Abu Dhabi.

Sinalubong sila ng mga opisyal ng Overseas Workers Welfare Administration (OWWA) sa Terminal 1 ng Ninoy Aquino International Airport (NAIA) dakong 9:10 ng umaga.

Nilinaw ng OWWA na ang mga ito ay hindi makatatanggap ng P5,000 tulong pinansyal na nakalaan para sa overseas Filipino workers na nasa ilalim ng repatriation program ng United Arab Emirates.

Gayunpaman, tatanggap sila ng P22,000 tulong pangkabuhayan bilang sa ilalim ng Balik Pinas, Balik Hanap-Buhay program ng OWWA at transportation allowance.

Ilan sa mga Pinoy ay dumating sa Gitnang Silangan gamit ang tourist visas, at nakulong bago sila napauwi. Ang iba naman ay pinilit na humingi ng proteksyon sa Embahada ng Pilipinas.