Apple self-driving car trade secrets, ninakaw

SAN FRANCISCO (Reuters) – Kinasuhan nitong Lunes ng U.S. authorities ang isang dating empleyado ng Apple Inc ng pagnanakaw ng trade secrets, sa pag-download ng blueprint ng self-driving car sa personal laptop bago tinangkang tumakas sa bansa patungong China, ayon sa criminal complaint na inihain sa federal court.

Nakasaad sa reklamo na ang dating empleyado na si Xiaolang Zhang, ay inihayag ang kanyang intensiyon na magtrabaho sa isang Chinese selfdriving car startup at nag-book ng last-minute flight patungong China matapos i-download ang plano para sa circuit board ng self-driving car. Inaresto ng mga awtoridad si Zhang nitong Hulyo 7 sa San Jose airport matapos siyang dumaan sa security checkpoint.

“We’re working with authorities on this matter and will do everything possible to make sure this individual and any other individuals involved are held accountable for their actions,” saad sa pahayag ng Apple.