Negosyante, timbog sa droga

Aresto ang isang negosyante na umano’y sangkot sa pagbebenta ng shabu, sa anti-illegal drugs operations sa Ozamiz City, kamakailan.

Sa report ni Chief Insp. Jovie Espenido, hepe ng Ozamiz City Police Office, ang suspek ay si Jesus Sanciangco IV, ng Purok 5, Barangay Malaubang, Ozamiz City.

Aniya, ang suspek ay pamangkin ni Grace Sangciangco, na wanted dahil sa kasong kriminal.

Nakumpiska sa suspek ang ilang pakete ng umano’y shabu, marked money, at ilang drug paraphernalia.

Nakatakdang kasuhan ang suspek ng paglabag sa RA 9165 (Comprehensive Dangerous Drugs Act of 2002).