‘American Idiot’ ng Green Day isasalubong kay Trump
MUKHANG sasalubungin si President Donald Trump ng mga British demonstrator sa pamamagitan ng higanteng “Trump Baby” balloon – at ng unique na British musical protest, ayon sa media reports.
Sa nakalipas na dalawang linggo ay inilunsad sa bansa ang isang social media campaign na layuning gawing No. 1 tune ang classic 2004 jam ng Green
Day, ang American Idiot sa UK, na dapat ay sasakto sa pagdating ni Trump sa bansa sa Biyernes.
Adbokasiya ng “Get American Idiot to No.1 for Trump’s UK Visit” Facebook page na magsulong ng isang uri ng musical protest kasabay ng pagbisita ni Trump sa Britain, sa unang pagkakataon mula nang mailuklok sa kapangyarihan si Trump. Pagkatapos ianunsiyo ni Trump ang kanyang gagawing “working visit”– na salungat sa isang formal state visit – noong Abril, nagsimula na rin ang kampanya para sa protesta. Hiniling sa kampanya na i-download ng publiko ang American Idiot nitong nakaraang Biyernes, Hulyo 6, at sa darating na Biyernes, Hulyo 13, para maiarangkada ang 14- year- old single sa top spot sa Official UK Charts. So far, mukhang gumagana ang plano, dahil nasa No. 18 spot na ang awitin sa chart nitong Martes. Isang dekada nang ginagawa ng British people ang ganitong uri ng protesta.