PACMAN VS MACHINE
Istorya sa Pahina
KUALA LUMPUR, Malaysia – Tapos na ang balitaktakan at hamunan. Ngayon na ang araw ng pagtutuos.
Wala nang alalahanin at handa na ang lahat para saksihan ang worldclass welterweight boxing showdown sa pakikipagtuos ni eight division world champion Manny Pacquiao at reigning WBA Welterweight World Champion Lucas Matthysse ngayon sa Axiata Arena dito.
Kapwa pasok sa takdang timbang ang dalawa sa ginawang weigh-in kahapon sa MITEC Center kung saan tumimbang ang Pambang Kamao sa 146 lbs, habang mabigat ng bahagya ang kampeon na si Matthysse sa timbang na 146.7 lbs.
“This is it. Ready na tayo,” pahayag ni Pacquiao.
Lusot din sa timbang sina Filipino Jhack Tepora, may bigat na 126.5lbs. para sa kanyang interim WBA Featherweight World Championship bout kontra Mexico’s Edivaldo Ortega, na tumimbang sa 125.4-lbs.
Sa iba pang laban sa fight card, pasok sa timbang na 111.5 lbs. si South African Moruti Mthalane laban kay South Korea’s Muhammad Waseem na may timbang na 111.3-lbs. para sa bakanteng IBF Flyweight World Championship.
May bigat naming 106.4 lbs si Venezuelan reigning WBA Light Flyweight World Champion Carlos Canizales na sasabak kontra China’s Lu Bin, tumimbang sa 106.7 lbs.
Inamin ni Matthysse na mabigat na kalaban si Pacquiao at kilala bilang “Mexecutioner’ bunsod nang panalo sa mga Mexican fighters tulad nina
Erik Morales, Marco Antonio Barrera, Juan Manuel Marquez, Oscar De La Hoya, at Antonio Margarito.
Isa naman si Marquez sa dalawang Mexican boxers na nakapanalo kay Pacquiao nang mapatumba niya ang Pinoy boxing legend sa 6th round ng kanilang duwelo noong 2012, habang nakaisa si Morales sa kanilang tatlong laban via decision.
“Yeah, I know that [he’s called the Mexicutioner]. I know he’s great against Mexicans, but I’m sorry to say that he has yet to fight and win over an Argentine,” pahayag ni Matthysse.
Iginiit naman ni Oscar De La Hoya, CEO ng Golden Boy Promotions at promoter ni Matthysse, na magiging maaksiyon at kapanapanabik ang laban.