Ulan at pagbaha na nag-paalala sa hakbang na ilipat ang pagbubukas ng klase
“habagat” ay isang uri ng klima na umiihip ngayong panahon ng taon mula sa timogkanluran. Isang mabigat na singaw ng tubig na nalulusaw mula sa karagatang bahagi ng ekwador patungo sa timog-kanluran, lumalamig ito habang papunta sa hilaga at tumaas sa mga kalupaan, na ibinabagsak sa pamamagitan ng mabigat na buhos ng ulan.
Ngayong nagdaang linggo, pinalakas ang “habagat” ng bagyong “Henry” sa hilagang-silangan ng Luzon, at bumuhos ang ulan sa timog-kanluran ng Luzon, partikular ang Batangas, Rizal, Bataan, Zambales, Metro Manila, at Bulacan. Sinuspinde ang klase sa karamihan ng mga paaralan sa mga lugar at nahinto ang mga nagtatrabaho sa opisina, sa paglubog sa tubig ng mga kalsada at nai-stranded ang mga estudyante gayundin ang mga empleyado. Matapos umalis ng “Henry”, agad na dumating ang bagyong “Inday,” na nagdulot ng mga paghaba sa maraming bahagi ng Luzon at Visayas.
Nagsisimula ang tag-ulan sa maraming bahagi ng bansa ngayong panahon—sa mga buwan ng Hunyo at Hulyo—na nag-uudyok sa maraming opisyal sa mga nakalipas na panahon na imungkahi na ilipat ang pagbubukas ng klase sa buwan ng Agosto o Setyembre. Ayon sa Philippine Association of State Universities and Colleges, 34 sa mga paaralan nito, kabilang ang Unibersidad ng Pilipinas, ang nakapaglipat na ng buwan ng pasukan sa Agosto, bagamat 69 ang nananatili sa lumang schedule.
Nitong nakaraang taon, muling binuhay ang mungkahing ilipat ang pagbubukas ng klase, sa pamamagitan ng inihaing Senate Bill 1432 ni Senador Francis Escudero, na nag-uutos sa lahat ng pampubliko at pribadong paaralan na simulan ang pagbubukas ng klase sa ikalawang Lunes ng Agosto o matapos nito hanggat hindi lalampas sa ikalawang Lunes ng Setyembre. Sa Kamara, naghain din si Rizal Represenative Michael John Duavit ng House Bill 5802. Iginiit din niya na ang taong panuruan ng ibang mga bansa, kabilang ang Estados Unidos, ay nagsisimula ng Setyembre.
Matapos nito’y wala nang dumating na bagong mungkahi na paglilipat ng buwan ng pasukan, marahil dahil sa gastos na nakaugnay sa pagsasaayos ng mga gusali ng paaralan upang hindi magdusa ang mga mag-aaral mula sa mga sakit tuwing tag-araw tulad ng sore eyes, sakit sa tiyan, at dengue. Marahil mas nais ng mga opisyal na maharap sila sa panganib ng leptospirosis, ubo at iba pang sakit sa baga, mula sa pagkabasa sa ulan at baha.
Malapit nang matapos ang panahon ng tag-ulan at bagyo at ang “habagat” ay magbibigay daan naman para sa pagpasok ng “amihan,” na ang malamig at tuyong hangin mula Siberia, Mongolia at hilagang bahagi ng China ang darating sa bansa mula sa hilagang-silangan sa huling bahagi ng Setyembre at unang bahagi ng Oktubre. Sa pagdating ng panahon na ito, muling makakalimutan ang kasalukuyan nating problema hinggil sa mga kanselasyon ng klase.
Ngunit ang ideya na paglipat ng pasukan sa mas huling mga buwan, tulad ng ipinatupad sa UP at iba pang mga paaralan, ay kinakailangang hindi maisantabi. Kung ang tanging kinakailangan ay ang pagpopondo sa pagsasaayos ng mga silid-aralan, isa itong ideyang mahalagang ikonsidera para sa kapakanan ng mga mag-aaral na nagdurusa sa paglusong sa mga baha at pagkawala ng ilang araw ng pasok sa paaralan.