11.1-M pamilya, aminadong mahirap
Dumami ang pamilyang Pilipino na aminadong naghihirap sila at umabot na tinatayang 1.3 milyong kabahayan, batay sa resulta ng isinagawang pag-aaral sa ikalawang bahagi ng 2018 ng Social Weather Stations (SWS).
Isinagawa ang survey mula Hunyo 27-30 sa 1,200 respondents, at lumabas na 48 porsiyento o nasa 11.1 milyong pamilya ang ikinokonsidera ang sarili na mahirap.
Anim na puntos itong mas mataas mula sa 41% o nasa 9.8 milyong pamilya noong Marso 2018, at pinakamataas simula nang makapagtala ng 50% noong Marso 2017.
Ipinapalagay ng SWS na mula ang anim na puntos sa mabilis na pagtaas ng bilang sa Mindanao, na may 18 puntos na pag-angat, at kapwa 18% sa Metro Manila at Visayas sa 13, habang bahagyang bumaba ng 5% ang bilang ng ‘selfrated poverty’ sa natitirang bahagi ng Luzon.
Dagdag pa dito, lumalabas din sa resulta na sa 48% ng mahihirap na pamilya, 36% ang hindi pa nakararanas na maging ‘non-poor’ (“usually poor”). At ang 12% na mahirap ay binubuo ng 6% na hindi dati naghihirap sa loob ng nakalipas na limang taon (“usually poor”),, habang ang natirang 6% ay hindi dati mahirap isa hanggang apat na taong nakararaan (“newly poor”).
Sa 52% kabilang sa mga hindi mahirap na pamilya, 26% dito ang hindi pa nararanasang maging mahirap (always non-poor).
Sa kaparehong panahon ng isagawa ang survey, natuklasan rin ng SWS na 34% o nasa 7.8 milyong pamilya na nagsabing ‘food-poor.’
Limang porsiyento itong mas mataas sa 29% o tinatayang 6.7 milyong pamilya noong Marso 2018, at pinakamataas simula noong 34% noong Disyembre 2016.