AlDub fans napa-quota sa kilig
EXTENDED
nitong Sabado ang pagdiriwang ng AlDub Nation (ADN) ng 3rd anniversary ng AlDub love team nina Alden Richards at
Maine Mendoza, kahit na noong July 16 pa ang anibersaryo ng phenomenal love team.
Walang special celebration nitong Lunes, dahil gaya ng dati ay nasa barangay si Maine habang nasa panel naman ng “Juan For All, All For Juan” sa Broadway si Alden. Gayunman, masaya na ang AlDub fans dahil naulit ang patok noong splitscreen na pag-uusap nina Alden at Maine noong kasagsagan ng kalyeserye.
Kaya naman nagdiwang ang ADN nang i-announce ni Joey de Leon na sa Dabarkads Concert Series ng Broadway Boys nitong Sabado, July 21, ay guest sina Alden at Maine ala-musical movie na Grease.
Todo naman ang preparation nina Alden at Maine. Pinag-aralan nila ang mga songs na kakantahin nila at nag-recording. Kahit may taping si Alden ng Victor Magtanggol, pinayagan siyang umalis muna para mag-record ng songs at mag-rehearse ng mga dance numbers nila ni Maine.
Hindi binigo nina Alden at Maine ang kanilang fans. Pinasaya nila ang AlDub fanatics sa studio man o sa national and worldwide TV, dahil nag-trending at nag-number one on national TV ang nasabing performance ng dalawa. Kaya si Maine, nag-tweet kaagad after ng
Eat Bulaga: “Grabe this week! Thank God it’s Saturday! Thank you guys for watching Eat Bulaga. Can’t wait to be home and get some much needed rest. Happy weekend, everybody. #ALDUBWithBroadwayBoys.”