Christian napakasimple ng proposal kay Kat
WALANGhalong kadramahan ang wedding proposal ni Christian
Bautista sa kanyang non-showbiz girlfriend na si Kat Ramnani. Kasi naman pala, matagal nang laging bitbit ng singer ang engagement ring na binili niya para sa nobya, kaya marahil nang makatiyempo siya ay kagyat na lang niyang inalok ng kasal ang girlfriend.
Nangyari ang proposal sa tinutuluyang hotel ng dalawa sa Venice last year.
Isinilid ni Christian ang ring box sa isang paper bag at iniabot ito sa babaeng gusto niyang makasama habambuhay. Ang buong akala ni Kat ay candy lang ang laman ng supot, kaya naman ganoon na lamang ang gulat ng dalaga nang makita ang singsing sa loob niyon.
At nang bigkasin ni Christian ang mga katagang “Will you marry me?” ay hindi na nagdalawang-isip sa pagsagot ng yes si Kat.
Nagkakilala ang dalawa sa isang event abroad at 2016 nang nagsimula ang kanilang long - distance relationship (LDR). Nang bumalik sa Pilipinas si Kat, saka lang niya napagtanto na sikat na singer pala sa bansa si Christian. Akala niya ay budding singer lang ang binata.
Nag- aral si Kat ng Marketing and Communications sa Sta. Clara University sa Silicon Valley sa California. Ngayon ay isa siya sa mga managers ng Globe Telecom.
Produkto ng Star in a Million ng ABSCBN si Christian noong 2009, na nagpursige sa pagkakaroon ng sariling pangalan sa music industry, at gumanap na rin sa ilang teleserye.
Bagamat hindi isinasapubliko ang petsa at lugar ng wedding, ikakasal sina Christian at Kat bago matapos ang taong ito.