Umatungal na si Tiger
CARNOUSTIE, Scotland (AP) — Buhay na buhay ang Carnoustie. May dahilan para sa panibagong kasiyahan at pananabik ang golfing community. Sa unang pagkakataon makalipas ang ilang taong pamamahinga, kabilang si Tiger Woods sa contender para sa British Open.
Mistulang nagbalik ang kabataan ni Tiger Woods sa impresibong laro sa third round na tinampukan ng 40-foot birdie putt sa No. 9, birdie sa No. 10, at tap-in birdie sa No. 11. Iisa ang hinuha ng golfing fans – may sorpresang magaganap sa Open.
At sa pagtatapos ng kanyang round, kasama ang 14- time major champion sa leaderboard sa naiskor na 6-under par.
“It would be ... better on Sunday,” pahayag ni Woods, umiskor ng 5-under 66 sa third round. “But I’m right there.”
Kung hindi nag- bogey sa par-3 16th, nakuha ni Woods ang solong liderato.
Hindi naman pinakamatikas na iskor ang 66 ni Woods – umiskor si Justin Rose ng 64, sina Jordan Spieth at Francesco Molinari ay parehong 65 — ngunit, nakatuon ang pansin at interest ng mga tagahanga ni Woods na lalaban sa titulo sa unang pagkakataon sa major makalipas ang 10 taon.
Kasama si Woods sa anim na players na may iskor na 5-under overall, apat na puntos ang layo sa lider.
“It’s been a few years since I’ve felt like this,” sambit ni Woods.
“You’re the man, Tiger, everyone knows it,” sigae ng isang tagahanga na sumusubaybay kay Woods.