2018 World Pitmasters Cup Master Breeders Edition

ISA sa mga pinanabikan na taunang labanan ng mga localassociation-banded-stags ay ang Master Breeders Edition ng pinakaprestihiyosong kumpetisyon ng mga panabong na manok sa buong mundo - ang World Pitmasters Cup.

Ang una sa dalawang Master Breeders derby sa 2018 ay gaganapin sa Setyembre 20 hanggang 30 sa Newport Performing Arts Theatre, Resorts World Manila, na kapapalooban ng regular na 9-stag international derby na may pot money na P88,000 at minimum bet na P55,000 at ang one-day 9-stag big event na may entry fee na P220,000.

Handog nila Charlie “Atong” Ang, Gerry Ramos, Engr. Sonny Lagon, RJ Mea & Gov. Eddiebong Plaza, sa pakikipagtulungan nina Eric dela Rosa at Ka Lando Luzong, ang world-class event na ito ay may buong suporta ng gold sponsor Thunderbird Platinum – sa paluan ‘di mauunahan at Thunderbird Bexan XP.

Sa Setyembre 20, 21 & 22 ay kung kailan gaganapin ang tatlong magkakahiwalay na 2-stag eliminations na susundan ng oneday 9-stag blowout sa Set. 23. Ang tatlong 3-stag semis ay nakatakda sa Set. 24, 25 & 26. Ang 4-stag finals para sa lahat ng lahok na may 2, 2.5, 3 o 3.5 puntos pagkatapos ng semis ay maghaharap sa Set. 28, samantalang ang mga may 4, 4.5 or 5 puntos ay magtutuos para sa korona sa 4-stag grand finals sa ika-30 ng Setyembre.

Maaring ilaban ang mga stags na may wingband ng anuman local na gamefowl breeders associations sa ilalim ng Federation of International Gamefowl Breders Associations (FIGBA) o sa Pambansang Federation ng Gamefowl Breeders (Digmaan), Inc. (PFGB-Digmaan).

Mayroon nang mahigit na 100 entries na naitala sa ngayon, pero tinatayang malalampasan ang 350 lumahok noong 2017. Ang mga interesadong sumali ay maaring makipag-ugnayan sa Facebook Page 2018 World Pitmasters Cup 9-Stag International Derby o tumawag sa mobile No. 0927-8419979.