Bagong kalsada para sa red rice farming
INAASAHANG malaki ang maitutulong ng P18.4 milyong farm-to-market road sa mga magsasaka para sa pagtatanim ng red rice, na binuksan ng Department of Agrarian Reform (DAR).
Makikinabang umano sa 3.1 kilometrong kalsada ang matataas na lugar ng Ilo at Balud at mga kalapit nitong barangay, sinabi ni Santa Margarita Mayor Gemma Zosa nitong Linggo.
“The better access road will really encourage farmers to increase the production of red rice after mall executives based in Tacloban informed us that they are willing to get their supply from Santa Margarita,” dagdag ni Zosa.
Ang mga magsasaka ng Santa Margarita at Gandara ay kabilang sa mga kilalang naglalabas ng “kalinayan” o red rice. Isang lokal na uri ng mahal na bigas na kilala sa kalidad, mamulamulang butil at mabangong aroma nito.
Wala pa umanong datos ang lokal na pamahalaan sa mga lugar na natataniman ng pulang palay at kung gaano kataas ang produksiyon nito.
Ang pamahalaan, sa pamamagitan ng loan mula sa Asian Development Bank at ng lokal na pamahalaan ng Santa Margarita, ay tumulong para sa gastos ng proyektong kalsada sa ilalim ng ikalawang bahagi ng Agrarian Reform Communities Project.
Sa halip na gumamit ng national highway, maaari na ngayong gamitin ng mga magsasaka sa mga barangay ang alternatibong ruta na maaaring madaan ng kahit anong uri ng sasakyan.
“The local government is thankful for this project from DAR since this will unlock economic opportunities in poor villages,” ani Zosa, idinagdag na makatutulong din ang proyekto sa lugar ng Gandara.
Tinataya namang mahigit 1,600 residente sa lugar, kasama ang 180 agrarian reform beneficiaries, ang makikinabang din sa proyekto.
Sa isang pahayag, pinuri ni DAR Assistant Regional Director Ismael Aya-ay ang lokal na pamahalaan ng Santa Margarita para sa pagpapaunlad ng proyekto, na dapat sanang pagbubukas lamang ng daan at spot concreting.
“We saw the tremendous support of the local in this project because they improve and enhance the project that our agency had started by connecting the road project, not only to villages of Santa Margarita but also to the interior villages in Gandara town,” giit ni Aya-ay.
Ang San Margarita ay matatagpuan sa 159 km. ng hilaga ng Tacloban, na isang fouth-class na bayan sa Samar kung saan 26,348 mamamayan ang naninirahan sa 36 na barangay.