NBA PH-3x3 sa MOA
IPINAHAYAG ng National Basketball Association (NBA) kahapon ang muling pagsasagawa ng NBA 3X Philippines sa Agosto 25- 26 sa MOA Music Hall sa Pasay City.
Itinataguyod ng AXA, tatampukan ng NBA player, isang NBA legend at slam dunk champion ang pagbabalik ng torneo sa Manila sa ikawalong sunod na taon.
Itatampok sa liga na batay sa international grassroots event platform ng NBA ang mga mahuhusay na batang players para sa 3-on-3 tournament.
Magsisimula ang pagtaanggap ng lahok sa NBA 3X Philippines 2018 sa Hulyo 25 sa first-come, first-served basis na pagpapatal sa www.nba3x.com/philippines. May hanggang Agosto 8 ang pagtanggap ng lahok.
Isasagawa ang NBA 3X Philippines 2018 preliminary tournament sa North Luzon sa Agosto 11-12 at Metro Manila sa Agosto 18-19. Ang mangungunang kopona ay uusad sa Finals na itinakada sa MOA.
Naghihintay ang competitive 3- on- 3 tournament sa division na boys ( under- 13, under- 16, under-18, at open category), girls (under-18 at open category), isang exhibition game na magtatampok sa ilang sikat na TV at movie personality, gayundin ang dibisiyon ara sa mga empleyado at distributors ng AXA.
“NBA 3X Philippines is a great way to continue the growth and development of basketball and 3-on-3 in the country,” pahayag ni NBA Philippines Managing Director Carlo Singson. “Together with AXA, we are proud to stage the eighth consecutive edition of NBA 3X Philippines as we celebrate the game with our passionate fans.”
“This year, we are thrilled to expand the NBA 3X Philippines program as we bring the tournament closer to our customers in the North Luzon region,” sambit ni AXA Philippines President and CEO Raul Hora.
“With the game’s popularity reaching greater heights, we at AXA Philippines are looking at this opportunity to share our story of how essential a game plan is through basketball and bring the NBA experience closer to Filipino fans.”
Para sa karagdagang impormasyon, bisitahin ang www. nba3x. com/ philippines, Facebook. com/ philsnba at @ NBA_Philippines sa Twitter.