‘Carnapper’dedo, 2 pa nakatakas
Isang hinihinalang holdaper ang napatay sa engkuwentro nang manlaban sa mga umarestong pulis matapos umano nitong nakawin ang isang motorsiklo sa Quezon City, kahapon.
Inilarawan ng mga imbestigador ng Quezon City Police District Criminal Investigation and Detection Unit ang hindi pa nakikilalang suspek na nasa edad 30, nakasuot ng itim na T-shirt at dirty white cargo short pants, at may tattoo sa kanang braso.
Ayon sa mga tauhan ng QCPD Novaliches Police Station (PS-4), bago ang engkuwentro ay nakatanggap sila ng reports hinggil sa hold-up incident na kinasasangkutan ng tatlong lalaki, kabilang ang suspek.
Ayon sa biktimang si Allyson Pontillas, 27, pauwi na siya sa Barangay Sta. Monica, Novaliches nang sumulpot ang tatlong lalaki, dakong 8:15 ng gabi.
Aniya, pilit kinuha ng mga suspek ang kanyang motorbike kasabay ng panunutok ng baril.
Ini-report ni Pontillas ang insidente sa PS-4 personnel, na agad nagsagawa ng checkpoint sa SB Road sa Barangay Nagkaisang Nayon.
Ayon kay Supt. Rossel Cejas, hepe ng Quezon City Police-Station 4, habang nagsasagawa ng checkpoint ay namataan ng isa sa kanyang mga tauhan ang tatlong lalaking lulan sa dalawang motorsiklo, dakong 12:00 ng madaling araw.
Gayunman, sa halip na tumuloy sa checkpoint, lumiko ang mga lalaki at bumalik sa Katipunan Avenue.
Hinabol ng awtoridad ang mga suspeknaumano’ynamarilhanggang sa magkaroon ng habulan.
Nakorner ng awtoridad ang isa sa tatlong lalaki ngunit sa halip na sumuko, pinaputukan nito ang mga umaaresto na gumanti at tumimbuwang ang suspek.
Nakatakas naman ang mga kasabwat ng suspek.
Narekober sa pinangyarihan ang tinangay na itim na Honda Wave motorcycle ng biktima at caliber .38.