Single mom, waging Miss Global Philippines 2018
IT is a lot better the second time around.
Wagi ang 22-anyos na single mom sa Miss Global Philippines 2018 pageant na ginanap sa Parañaque City, nitong Sabado ng gabi.
Tinalo ni Mary Eileen Palencia Gonzales,
tubong Cavite, at isang Star Magic artist ng ABS CBN, ang 18 iba pang kandidata sa ikalimang edisyon ng timpalak, na ang adbokasiya ay women empowerment, tourism at pagtanggap sa mga kandidatang single, at mga hindi kasal na ina.
Ito ang pangalawang pagkakataon na sumali si Gonzales sa Miss Global Philippines beauty contest. Noong 2015, siya ang kinilalang secondrunner ni Mary Candice Ramos.
Si Gonzales, na may isang baby boy, ang magiging kinatawan ng Pilipinas sa Miss Global 2018 international contest ngayong taon.
Wagi naman bilang first runner- up si Cheska Viñas,
ng Marilao, Bulacan; Nicole Osuna Dichoso
ng Olongapo City bilang 2nd runner-up; Charlene Duran ng Calamba City, Laguna bilang 3rd runnerup; at si Alexandra Moraga ng Meycauayan City, Bulacan naman ang 4th runner-up.
Ang mga nakasungkit naman ng special awards ay sina Sunshine Bantillo
para sa Best in Talent; Nicole Dichoso
para sa Best in Cultural Wear at Best In Swimwear; at si Eileen para sa Best In Evening Gown.
Si Eileen din ang tinaguriang Darling of the Press, at siya ay isang mapagmahal na ina sa kanyang isang taong gulang na anak. Ang ama ng kanyang anak ay ang dating Pinoy Big Brother ( PBB) housemate at 4th placer na si Johan Santos.
Hindi kasal sina Johan at Eileen ngunit pinagtutuunan nila ng pansin ang kanilang anak.
Noong Abril, sinabi ni Johan sa ABS-CBN na hands-on siya kay Baby Zohan. “First two months halos ako ang nag-alaga kay Z. Wala pa kaming yaya nu’n. Ako ang nagpapalit ng lampin, halos lahat. Eh, ang hirap ding maghanap ng yaya.”
Nang tanungin kung klaseng ama siya, ani Johan: “’Yung tama lang siguro. Hindi disciplinarian, pero hindi rin naman masyadong spoiler. Basta, hahayaan ko lang siya na gawin ‘yung gusto niya. Ganun din kasi ‘yung pagpapalaki ng parents ko sa akin, eh. Hindi sila mahigpit, lenient lang din.”
Dagdag pa niya: “Ang focus ko ngayon ay maibigay kung anong gusto niya. Mapalaki siya nang maayos, pagtutulungan naman namin yon ni Eileen,” sabi naman ni Johan.
Nang malipat naman ang usapan sa planong pagpapakasal nila ng girlfriend na si Eileen, sinabi ni Johan: “Hindi naman puwedeng biglaan ‘yang ganyan. Mas maganda pinaplano.”