Jean at Kyline sa ‘IWALY’ Season 2
SINA Barbie Forteza, Gladys Reyes, Juancho Trivino, Kimpoy Feliciano, Super Tekla, at Ricky Davao lang sa cast ng Inday Will Always Love You ang present sa press interview para i-announce na pumasok na sa Season 2 ang hit rom-com series ng GMA-7.
Pinasalamatan ng cast ang televiewers sa suporta sa kanilang show.
“Nakakatuwa dahil tumatak na sa televiewers ang mga karakter namin sa IWALY,” kuwento ni Gladys. “Kahit saan ako magpunta ngayon, Amanda (pangalan ng karakter niya sa show) na ang tawag sa akin. Dalawa na sila ng Clara na name ko sa Mara Clara na tumatak sa televiewers.
“Nagpapasalamat din ako na kahit kontrabida ang role ko, hindi masyadong nagagalit sa akin ang tao,” dagdag pa niya.
“Salamat sa suporta ng televiewers sa IWALY , hindi namin ini-expect na aabot kami ng Season 2 dahil one season lang ang peg ng show,” sabi naman ng bidang si Barbie. “Nakakatuwang malaman na kahit mga bata, pinapanood kami, hinihintay ang airing kahit late na.”
Thankful din ang beteranong aktor na si Ricky: “Nakakatuwang basahin ang feedback ng televiewers sa show. Kahit may drama, may comedy agad na pambawi kaya hindi sila nai-stress. Magaan sa kanila na matutulog silang nakangiti.
“Artista ako rito, minsan nakakakalimutan ko at akala ko, ako ang direktor. ‘Pag may tumawag ng ‘direk’ tumatayo ako,” kuwento pa ni Ricky.
Sa Season 2, pumasok bilang guests sina Jean Garcia, sa role ni Florence na ex-girlfriend ni Philipp (Ricky). Nakakatuwa ang paghaharap nila ni Gladys dahil maglalaban sila, kontrabida versus kontrabida. Guest din si Kyline Alcantara, ang maligalig na kapitbahay ni Happy Lou (Barbie); at si Thea Tolentino, na hindi pa lumalabas ang karakter habang isinusulat namin ito.
Masaya ito dahil pinagsama-sama sa serye ang mga kilalang kontrabida sa Kapuso shows.
Hindi pa sinabi kung kailan magtatapos ang IWALY. Siguro, ghabang nag-e-enjoy ang viewers, at napapangiti at napapatawa pa sila, patuloy na mapapanood ang patok na rom-com series.