Usec De Castro sa IBC-13 board na
Hinirang ni Pangulong Duterte si Tourism Undersecretary Kat de Castro bilang bagong miyembro ng Board of Directors sa Intercontinental Broadcasting Corporation (IBC-13) na pinatatakbo ng estado.
Itinalaga si De Castro habang iniimbestigah ng Senado ang kontrobersiyal na P60-milyon advertisement deal sa pagitan ng Department of Tourism (DoT) at ng isa pang government-run station na PTV-4.
Batay sa appointment papers na inilabas ng Malacañang nitong Miyerkules, papalitan ni De Castro si Manolito Cruz at magsisilbi hanggang sa Hunyo 30, 2019.
Itinalaga naman ni Duterte si Edwin Enrile bilang bagong Tourism undersecretary, kapalit ni De Castro.
IBA PANG APPOINTEES
Samantala, nominado ni Duterte ang dating journalist na si Allan Nawal bilang miyembro ng board of directors ng Independent Realty Corporation at MidPasig Land Development Corporation.
Pinangalanan din ng Pangulo ang abogadong si Michael Ong bilang acting Senior Deputy Executive Secretary, kapalit ni Menardo Guevarra na ngayon ay Justice Secretary. Si McJill Bryant Fernandez ay pinangalanang acting Deputy Executive Decretary for General Administration.
Itinalaga rin ni Duterte sina Vanessa Goc-ong at Beatrice Vega, bilang bagong assistant secretaries ng Office of the President, at Francisco Acosta bilang chairman ng Commission on Filipinos Overseas.
Si Paul Paulin ay pinangalanang Provincial Agrarian Reform Program Officer, kapalit ni Cristeta Pacis, habang si Peter Joseph Fauni ay itinalagang Register of Deeds II sa Land Registration Authority ng Department of Justice.
Si Ruben Lopez hinirang na miyembro ng board of directors ng United Coconut Planters Bank, at si Joe Jay Doctora bilang miyembro ng board of directors sa Small Business Corporation.
Si Dengel Palmares ay pinangalanang miyembro ng board of directors sa Philippine Sugar Corporation, at si Danilo Trongco bilang member, na kumakatawan sa tobacco farmers sector, ng board of directors sa National Tobacco Administration.
Itinalaga si Amador Tabuga Jr. bilang member ng board of directors sa Philippine Mining Development Corporation.