Joshua, nagpasalamat na Inglesera si Julia

TRENDING sa social media ang unang dalawang episodes ng Ngayon at Kailanman nina Joshua Garcia

at Julia Barretto.

Nang makausap ng media si Joshua sa presscon ng serye last weekend, nabanggit niyang excited siya sa gagampanang karakter bilang si Inno, na mayaman, edukado, at Inglesero. Bagamat malayo si Inno sa totoong Joshua, sinabi ng binata na nagkapareho sila ng kanyang karakter pagdating sa pagmamahal sa pamilya.

“Excited kami sobra, kasi after ng pagbusisi, pinaghirapan namin ‘yung pilot. After mangarag, heto na kami, ipapalabas na kami sa telebisyon after FPJ’s Ang Probinsiyano,” sinabi noon ni Joshua sa presscon.

“Siguro ‘yung pagmamahal ko lang sa pamilya ko. Pag-care ko sa kapatid ko. Kahit wala na ako, ibibigay ko pa rin sa kapatid ko ‘pag mayroon ko.”

Para kay Joshua, ang karakter niya bilang Inno Cortes ay napakalaking challenge sa kanya. Kumuha pa ng speech coach si Joshua para sa mga English dialogues niya.

“’Di naman kasi talaga ako nag-iEnglish,” pag-amin ng binata.

Ano ang itinuro sa kanya ng speech coach? “Be confident, ‘tapos yung posture ko, kailangan talaga nakatingala ka lagi. ‘Tapos ‘yung tiyan ko stomach in, kasi nakapolo ako dun palagi. Lahat ng eksena ko nakaganyan ako, ang hirap.

“‘Tapos ‘yung mga English naman kahit gaano kahaba, natatrabaho naman. Kaya naman, tiyaga lang.”

Masaya naman si Joshua sa suporta na tinatanggap niya mula sa production, at sa reel- at real-life sweetheart niyang si Julia.

“Nagpapasalamat ako sa direktor naming, kasi sobrang tiyaga nila. ‘Yung pasensiya nila, kahit paulit-ulit na ako, eh, ‘di napapasagot.”

Nagpasalamat din si Joshua kay Julia gamit ang kanilang term of endearment na “Baba”.

“Salamat din sa iyo Bab. Kasi kaeksena ko ito sa mga eksena, kahit paulit-ulit okay lang sa kanya. Thankful ako kasi kahit papaano may alam akong kaunti sa English kasi nakakasama ko ang pamilya ni Julia,” pag-amin pa ng aktor.