Nietes, inismol ni Palicte

ISINANTABI ni WBO No. 2 at NABF super titlist Aston Palicte ang mahabang karanasan sa boksing ni three-division world champion at WBO No. 1 Donnie Nietes at nangakong patutulugin niya ang kababayan sa Negros Occidental sa kanilang sagupaan para sa bakanteng WBO super flyweight belt sa Setyembre 8 sa “Superfly 3” card sa The Forum sa Inglewood, California sa United States.

Kumpiyansa ang 27-anyos na si Palicte na hindi makakaya ni Nietes ang kanyang lakas sa pakikipagbasagan ng mukha lalo’t lamang siya sa haba ng bitis at mas bata sa 36-anyos nang si Nietes.

Para sa 27-anyos na si Palicte, dapat nang magretiro sa boksing ang kababayan niya na si Nietes, ang pinakamatagal naging world boxing champion ng Pilipinas.

“Hindi makakaya ni Nietes ang lakas ko,” pagyayabang ni Palicte sa Philboxing. com. “Nietes is moving up in weight and started out as a 105-pounder. It’s his first time in the super flyweight division and I’m sure his body isn’t used to bulking up so fast.”

Pinili ng WBO si Nietes na No. 1 sa WBO rankings na harapin si Palicte na No 2 ranked para paglabanan ang WBO super flyweight title na binakante ng dating kampeong si

Naoya Inoue ng Japan.

May rekord si Palicte na 24 panalo, 2 talo na may 20 pagwawagi sa knockouts kumpara sa 41-1-4 ni Nietes na may 23 tagumpay sa knockouts.

Huling nagwagi si Palicte sa pagpapatulog sa 5th round kay dating WBA interim light flyweight champion Jose Alfredo Rodriguez ng Mexico samantalang pinabagsak ni Nietes si two-division world champion Juan Carlos Reveco via 7thround knockout para mapanatili ang IBF flyweight title nito.