Pinay bowlers, sadsad sa linya

PALEMBANG – Kinapos ang Philippine troika nina Liza del Rosario, Lara Posadas at Alexis Sy sa kanilang diskarte sa bowling lane at nagtapos sa ikapito sa pagsisimula ng bowling competition sa 18th Asian Games bowling championships sa ultra-modern Jakabaring Sports City Bowling Center dito.

Kumubra ang Filipina keglers ng kabuuang iskor na 4026, 300 pinfalls ang layo sa nangungunang Malaysian trio nina Hamidi Afifah Badrul, Rahman Siti Abdul at Mei Lan Chea, na nagwagi ng gintong medalya sa iskor na 4255.

Sumegunda ang Chinese-Taipeh (4255) kasunod ang Singapore (4250) sa torneo na ginamitan ng bagong coring system.

Laglag naman sa 10th place ang tatluhan nina Maria Lourdes Arles, Rachelle Leon at Dyan Coronacionna kumubra ng 3923.

“Nanibago ng kaunti sa bagong scoring system at hindi naka-adjust sa long-oil conditions sa umaga. It left us little room for error,” sambit ni national women’s coach Jojo Canare. “Hindi rin magka-sabaysabay uminit which is important in this kind of team event. Huli na nang mangyari.”

Sa kabila nito, kumpiyansa si head coach Paeng Nepomuceno, bowling hall-of-famer, na makakabawi ang koponan sa mga susunod na event.

“It was a good start for us and you saw how our women ought in the last three games even if they were far behind after the first session. We hope our boys can do better,” aniya.

Kumpiyansa rin si national men’s coach Biboy Rivera sa laban ng men’s squad.

“I believe our boys will be able to handle the long-oil conditions better,” pahayag ni Rivera, isasabak sina Kenneth Chua, Enzo Hernandez at Merwin Tan, gayundin sina Kenzo Umali, Jomar Jumapao at Raoul Miranda.