8 tiklo sa 20 pakete ng ‘shabu’

Nasa 20 pakete ng umano’y shabu ang nasamsam sa walong drug suspects na nasukol sa magkasunod na buy-bust operation sa Makati City, kamakalawa ng gabi.

Kinilala ang mga suspek na sina Melvin Romarate y Langaman, 44; Kevin Dizer y Hilaro; Katherine OliverosyFebidal,kapwanasahustong gulang; Mandy Cubid y Araneta, 43; Armando Cubid y Araneta, 42; Martie Esteva y Actiba, 32; at Victor Daquioag y Esguerra, 43, pawang ng Barangay Pitogo, Makati City.

Sa ulat ni PO3 April Castro ng Makati City Police, nagsagawa ng buy-bust operation ang mga tauhan ng Station Drugs Enforcement Unit (SDEU), sa pangunguna ni Insp. Jeson Vigilla, at naaresto ang mga suspek sa Kalayaan Avenue, Spratly Compound, Bgy. Pitogo ng nasabing lungsod, dakong 7:00 ng gabi.

Nasamsam sa mga suspek ang 17 selyadong pakete ng umano’y shabu, P200 buy-bust money, at drug paraphernalia.

Agad na inalam ng awtoridad ang posibleng pinagkukunan ng droga ng mga suspek kaya nagsagawa ng follow-up buy-bust operation sa General Santos St., Bgy. South Cembo, dakong 11:00 ng gabi.

Nadakip ang suspek na si Isagani Murao Regua, 30, ng No.5099 General Santos St., Bgy. South Cembo sa nasabing lungsod matapos bentahan ng P300 halaga ng umano’y shabu ang poseur-buyer.

Narekober kay Regua ang tatlong pakete ng naturang droga, P300 buybust money, cell phone, itim na pouch at motorsiklo (NC-54145).

Inihahanda na ang kasong paglabag sa Sections 5 at 11 ng RA 9165 (Comprehensive Dangerous Drugs Act of 2002).