Beyonce at Jay-Z mamimigay ng $1.1M college scholarships
MAGKAKALOOB ang mag-asawang Beyonce at Jay-Z ng $1.1 million bilang scholarships para tulungan ang “exceptional” high school students na makapagpatuloy sa kanilang edukasyon.
Magsasanib-puwersa ang charities ng mag-asawa, ang The BeyGOOD Initiative at ang The Shawn Carter Foundation, para igawad ang $100,000 sa “one exceptional senior high school student, with financial needs” sa bawat U.S. city sa nalalabing dates ng kanilang On The Run II Tour, ulat ng Cover Media.
Sa kabuuan, mamimigay ang APES**T hitmakers ng pondo sa 11 kabataan bilang ambag sa kanilang pagpapatuloy sa pag-aaral, at hinihiling sa entrants na magpamalas ng “academic excellence” at ipakita ang “financial needs that would make it hard for them to enter a college or university for the academic year 2018-2019”.
Inihayag nina Beyonce at Jay-Z ang balita nitong Linggo, bago umakyat sa entablado para sa kanilang second show sa Atlanta, Georgia.
Magpapatuloy ang kanilang On The Run II Tour sa Florida, Virginia, Louisiana, Texas, at sa kanilang home base na Los Angeles, at iba pa.
Inatasan ang mga opisyal mula sa local Boys and Girls Club of America ng bawat lungsod na tukuyin ang scholarship winners.
Ipinahayag ang bagong student handouts apat na buwan matapos ang huling pagpapalawak sa scholarship program na naunang inilunsad ni Beyonce.
Si Jay-Z, ang tunay na pangalan ay Shawn Carter, ay mayroon ding sariling scholarship fund sa pamamagitan ng kanyang foundation, na itinatag niya noong 2003 kasama ang inang si Gloria Carter.