US playwright, ‘king of comedy’ Neil Simon pumanaw na
Pumanaw na si
Neil Simon, ang prolific at Pulitzer Prize-winning US playwright na tinitingala bilang king of comedy na nanalo ng mas maraming pinagsamang Oscar at Tony nominations kaysa iba pang showbiz writer, nitong Linggo. Siya ay 91 anyos.
Ang utak sa likod ng mahigit 30 plays, 20 screenplays at limang musicals, binansagan siya ng Time magazine na “patron saint of laughter.”
Karamihan sa kanyang mga gawa ay classics ng 20th century American theater at utang din kay Simon ang seminal role – kasama ang film director na si Woody
Allen -- sa re-crafting ng US humor noong 1960s at 1970s.
Ramdam ang kanyang impluwensiya sa loob ng maraming henerasyon, ikinumpara ng The New York Times ang early comedies ni Simon sa character-based comedy ng 1990s hit sitcom na Seinfeld.
Ipinahayag ng longtime friend niyang si
Bill Evans ang kanyang pagpanaw nitong Linggo sa isang ospital sa New York dahil sa mga kumplikasyon ng pneumonia.
Nasa kanyang tabi ang kanyang asawa, anak na babae, at apong lalaki, sinabi ni Evans sa AFP. Kinatawan niya si Simon sa loob ng tatlong dekada mula 1976 hanggang 2006.
Si Simon ang author ng critically
acclaimed at commercial hits gaya ng Barefoot in the Park (1963), The Odd Couple
(1965), The Sunshine Boys (1974), at Lost in
Yonkers (1990).
Karamihan ng kanyang mga gawa ay binunburan ng witty one-liners, isinasalaysay ang everyday struggles ng middle-classes at inter-family conflict, na naimpluwensiyahan ng kanyang paglaki sa panahon ng Great Depression.
“The good mechanic knows how to take a car apart; I love to take the human mind apart and see how it works. Behavior is absolutely the most interesting thing I can write about. You put that behavior in conflict and you’re in business,” sinabi ni Simon sa
The Paris Review noong 1992. Inilarawan ni Simon ang kanyang craft bilang catharsis.