Moralde, handa kontra US Olympian
HANDA na si Pinoy boxer John Vincent Moralde sa kanyang laban kay American Olympian Jamel Herring para sa IBF-USBA super featherweight title na gaganapin sa Setyembre 14 sa Savemart Center sa Fresno, California sa United States.
Inaasahang papasok sa IBF world rankings ang magwawagi kina Moralde at Herring kaya nangako rin ang Amerikano na patutulugin ang Pilipino sa sagupaang ipalalabas ng ESPN Plus sa pagtataguyod ng Top Rank ni promoter Bob Arum.
Nasa Amerika na si Moralde simula noong nakaraang Agosto 9 at nagsasanay sa ilalim ni dating WBC light flyweight champion Rodel Mayol sa Wildcard Gym ng Amerikanong Hall of Fame trainer Freddie Roach.
Ito ang ikalawang laban ni Moralde sa Fresno, California makaraang pabagsakin sa 1st at 5th rounds upang talunin sa puntos ang dating walang talong knockout artist mula sa Uganda na si Ismael Muwendo noong nakaraang Mayo 26, 2018.
Sa kanyang unang laban sa US, napatigil si Moralde sa 7th round ng Amerikanong si WBA NABA featherweight champion Toka Khan Clary noong Disyembre 1, 2017 sa Providence, California para malasap ang unang pagkatalo sa kanyang boxing career.
“I am in great shape having trained in the US for more than a month. My training camp with coach Rodel has been excellent. Fighting at 130 pounds is most comfortable for me. I think it is the perfect weight,” sabi ni Moralde sa Philboxing.com. “My opponent is an amateur veteran and an Olympian and should not be taken lightly. But I will do everything to bring home the belt. Thanks to Sanman through sir JC Manangquil for this break.”
Para kay Sanman Promotions big boss Jim Claude Manangquil, puwede na sa world title fight si Moraled kapag nanalo kay Herring na may kartadang 17 panalo, 2 talo na may 10 pagwawagi sa knockouts.at kumasa sa tulad nina three-time world title challenger Denis Shafikov ng Russia at world rated Art Hovhannisyan ng Armenia.
“Herring is a great fighter and Moralde needs to be in top shape to beat him. We are however confident he can pull off another big win,” diin ni Manangquil.
May rekord si Moralde na 20 panalo. 1 talo na may 10 pagwawagi sa knockouts at gustong pumasok sa world rankings tulad ng kanyang mga ka-stable na sina interim WBA bantamweight champion Reymart Gaballo at ex-interim WBA light flyweight titlist Randy Petalcorin na kakasa para sa IBF junior flyweight title laban kay Felix Alvarado ng Nicaragua sa Oktubre 21 sa Maynila.