Adaptasiyon ng iron-fortified rice sa Ilocos Norte
HINIKAYAT ng pamahalaan ng Ilocos Norte, sa pamamagitan ng Sangguniang Panlalawigan, ang mga stakeholder na tumulong sa pagsusulong ng pagkain ng iron-fortified na bigas.
Sa isang pagdinig sa SP session hall nitong Huwebes, hiniling ni Provincial Board member Domingo Ambrocio, bilang pinuno ng komite sa agrikultura, ang suhestiyon ng solicited Department of Science and Technology (DoST), Provincial Agriculture Office, Provincial Nutrition Office, Rice Millers Association of Ilocos Norte, National Food Authority (NFA) at ng iba pang mga grupo kung paano pinakamaayos na maipapatupad ang programang iron fortification sa probinsiya.
Ayon kay Provincial Director Jonathan Viernes ng DoST, hindi dapat mahal ang gastos sa food fortification lalo’t moderno na ang teknolohiya. Sa kasalukuyang presyo ng NFA rice na P32 kada kilo, sinabi ni Viernes na dalawang piso lamang ang idaragdag para sa bawat kilo ng iron-fortified rice.
Ipinag-uutos ng Food Fortificaion Law ang mandatory fortification ng mga pagkain tulad ng bigas na may iron at ang voluntary fortification para sa mga pinoprosesong pagkain na may iron, Vitamin A, at iodine.
Matatandaang taong 2004 pa nagsimula ang rice fortified with iron, ngunit nananatiling mabagal ang adaptasyon nito hanggang ngayon.
Nagpahiwatig naman ng pangamba si Provincial Assistant Agriculturist Luz Tabora kung paano magiging abot-kaya para sa mahihirap na pamilya ang mga iron-fortified rice.
“Let us consider the rising price of rice. We are not against it but we must think of those who could probably can’t afford it,” pahayag ni Tabora, habang iniulat nito na nagsasagawa na ang ahensiya ng agrikultura ng mga pag-aaral para sa “bio-fortification” sa pamamagitan rice breeding upang masolusyunan ang problema sa iron defiency partikular sa mga bata, buntis at nagpapagatas na mga ina.
Dahil isa nang ganap na batas ng bansa, sinabi ni Ambrocio na maaari nang ikonsidera ng mga LGU at stakeholder ang pagtatanim ng mga iron-fortified rice at tulungang wakasan ang mga kaso ng malnutrisyon sa probinsiya.
Bilang suporta sa hakbang, sinabi ni Dr. Rogelio Balbag, provincial board member, na maganda ang maidudulot ng programa para sa buong probinsiya.
“There is prevalence of iron deficiency affecting mostly our children, pregnant and lactating women. Let us implement it for a healthier and more progressive Ilocanos,” paliwanang ni Balbag.