Richard Gere, 69, magiging tatay uli
IPINAALAM MUNA KAY DALAI LAMA
INIHAYAG ni Richard Gere at ng kanyang asawang si Alejandra Silva
nitong Linggo na buntis si Alejandra sa una nilang anak, ngunit inilihim nila ang balita hanggat hindi pa nila naipaaalam ang pagbubuntis kay Dalai Lama, na binasbasan ang sanggol na nasa sinapupunan pa lamang, ulat ng
The Telegraph.
Magiging tatay ang Hollywood actor na tanyag sa kanyang pagganap sa
Pretty Woman, An Officer and a Gentleman, at Chicago, sa pangalawang pagkakataon sa susunod na taon, ilang buwan bago sumapit ang kanyang ika-70 kaarawan.
Inilabas ng couple ang kanilang larawan kahapon na nasa Rotterdam, kasama ang spiritual leader ng Tibetan Buddhism.
Nakaakbay si Richard sa kanyang asawa habang hawak ni Dalai Lama ang kamay ni Alejandra at nakapatong naman ang isa pa nitong kamay sa kanyang tiyan.
“Just a few moments ago... Getting blessings for our precious to come,” post ng 35 taong gulang na mother-tobe sa kanyang Instagram. “We couldn’t announce it before telling HH Dalai Lama.”
Abril nang pinakasalan ni Richard, 69, si Alejandra, ang kanyang ikatlong asawa sa Madrid, makaraan ang kanilang apat na taong relasyon.
Una siyang ikinasal sa mga modelong sina Carey Lowell at
Cindy Crawford.
Mayroon nang limang taong gulang na anak na lalaki ang Spanish publicist sa kanyang dating asawa.
Nang makapanayam ng Hola, isang Spanish magazine, dalawang taon na ang nakalipas, sinabi ni Alejandra: “Richard has been my hero in real life. I was a little lost, without light, and meeting him gave sense to my life. I felt like someone was stretching out his hand and showing me the true path.”
Maraming beses na ibinahagi ng Golden Globe winner ang kanyang Buddhist faith, na nagsimula pa noong kanyang early twenties.
Pinangalanan niya ang kanyang 18 taong gulang na anak na Homer, ang middle name ay Jigme, isang traditional Buddhist name.
Nitong nakaraang taon, inihayag niya sa The Hollywood Reporter na ang rason kung bakit hindi siya laging napapanood sa mainstream films ay dahil sa kanyang pananaw tungkol sa Tibet, lalo na dahil malaki na ang impluwensiya ng China sa film industry.
“There are definitely movies that I can’t be in because the Chinese will say, ‘Not with him,’” pagsisiwalat niya.
“I recently had an episode where someone said they could not finance a film with me because it would upset the Chinese.”