Obrero todas sa suntok

TARLAC CITY - Isang empleyado ng isang kumpanya ng bakal ang napatay nang suntukin ito ng katrabaho sa Zone 1, Barangay Amucao, Tarlac City, nitong Huwebes ng hapon.

Sa report ni SPO3 Gerald Mamadlo, nakilala ang biktimang si Jonathan Medina, 30, habang ang suspek naman ay nakilalang si Virgilio Avalle, 37, parehong residente sa lugar.

Sa imbestigasyon ng pulisya, nangyari ang insidente sa loob ng kanilang bodega, dakong 3:45 ng hapon.

Naghihintay umano ang dalawa ng oras ng pag-uwi nang magkaasaran na nauwi sa suntukan.

Natigil lang ang pag-aaway ng dalawa nang sumuka ng dugo si Medina, na kaagad na isinugod sa pagamutan kung saan ito binawian ng buhay.

Nasa kustodiya na ngayon ng pulisya ang suspek na nahaharap sa kasong homicide.