Kelot, patay sa saksak

Patay ang isang lalaki matapos saksakin ng tatlong hindi nakikilalang lalaki sa gitna ng kanilang pagtatalo sa Barangay Gaya-Gaya, San Jose Del Monte City, Bulacan, kahapon.

Sa pahayag ng San Jose Del Monte City Police Office (SJDMCPO), ang biktima ay kinilalang si Jerome Baysa, 30 anyos.

Sa imbestigasyon ng pulisya, pauwi na sana ang biktima nang makasalubong ang tatlong suspek sakay sa tricycle.

Nagkasagutan umano ang mga ito sa hindi mabatid na dahilan na humantong sa habulan hanggang mauwi sa pananaksak kay Baysa.

Tumanggi na ang pamilya na isailalim sa awtopsiya ang bangkay ng biktima.