Joe Alwyn, sa relasyon nila ni Taylor Swift
SA mga nakalipas na taon, tinangka ni Taylor Swift na iwasan na pagusapan ang kanyang mga nakaraang relasyon at maging ng kasalukuyang relasyon sa pamamagitan ng mga kantang kanyang nililikha, na patungkol sa kanyang mga ex, ayon sa Huffpost.
At nananatiling tikom ang bibig ng superstar tungkol sa kanyang dalawang taon nang boyfriend, ang British actor na si Joe Alwyn.
Sa unang pagkakataon naman ay nagsalita na si Joe tungkol sa kanyang pananaw at nararamdaman na karelasyon niya ang isa sa pinakapopular na tao sa mundo, nang makapanayam siya ng British Vogue, iniulat ng E! News.
“I’m aware people want to know about that side of things,” lahad niya sa magazine. “I think we have been successfully very private and that has now sunk in for people … but I really prefer to talk about work.”
Dahil napakapribado nila ay minsan lang sila mamataan ng paparazzi. Gayunman, mukhang may pahaging naman si Taylor tungkol sa kanilang relasyon sa kanyang music video. Nakasuot ang 28-anyos na singer ng “J” necklace ― na mukhang para kay Joe ― sa video ng kanyang single na Delicate.
Nagkakilala ang dalawa noong mga unang buwan ng 2017 at opisyal na kinumpirma ang kanilang parehongtaon.relasyon noong Mayo ng
Bago pa dumating si Alywn sa buhay ni Taylor, ay naging karelasyon muna ng singer si DJ Calvin Harris sa loob ng halos dalawang taon at naging boyfriend niya rin ang aktor na si Tom Hiddleston, pero sa sandaling panahon lamang.
Gaya nga ng sabi ni Taylor noon, mahirap sa kanya ang magkaroon ng relasyon na bukas sa publiko, unless it’s long term.
“I think the media has sent me a really unfair message over the past couple of years, which is that I’m not allowed to date for excitement, or fun, or new experiences or learning lessons,” sabi ni Taylor nang makapanayam ng Glamour UK noong 2015.
“I’m only allowed to date if it’s for a lasting, multiple-year relationship. Otherwise I’m a, quote, ‘serial dater.’ Or, quote, ‘boy crazy’,” dagdag pa ni Taylor.