Pope Francis, ‘aghast’ tungkol sa church sex abuse—Bono
INILARAWAN ng U2 frontman na si Bono si Pope Francis bilang “aghast” o takot tungkol sa sex abuse na nagaganap sa Simbahang Katoliko.
Pribadong nakipagkita ang Irish singer kay Pope Francis nitong Miyerkules sa Vatican hotel, kung saan natira ang Papa, upang pag-usapan ang tema, na isiniwalat ni Bono sa mga mamamahayag na “the wild beast that is capitalism” at tungkol sa sustainable development.
Sinabi ni Bono na dahil binisita ni Pope Francis ang Ireland kamakailan, ay napagusapan nila ang tungkol sa “feelings about what has happened in the church” ng Papa. Ang reputasyon ng Irish church ay namantsahan na ng mga kaso ng pedophile na mga pari at systematic abuse cover-ups.
Aniya pa, sinabi raw niya sa Papa ang pananaw ng ilan na mas nakatatanggap pa ng proteksiyon ang mga nang-abuso kaysa mga biktima at “you can see the pain in his face, and I felt he was sincere.”
“(Pope) Francis is under pressure to reveal what he knew about abusers”.