David Foster, Jay Park, Anggun, magbabalik as ‘AGT’ judges
MAGSASAMA-SAMA uli ang celebrity judges na
sina David Foster, Anggun at Jay Park para sa third season ng record-breaking na Asia’s Got
Talent (AGT) sa flagship channel nito, ang AXN.
Nasa Singapore na ang dynamic trio para sa filming ng limang unang episode ng series.
Tinapos ng AGT casting team ang pan-regional open audition tour nitong noong Hulyo, at 150 makukulay na acts mula sa 17 bansa sa Asia ang nakapasa. Katulong naman ang tatlong judge sa pagdiskubre ng susunod na superstar sa Asia.
Tinagurian bilang pinakamalaking talent competition sa buong mundo, tampok sa Asia’s Got Talent ang iba’t ibang acts na saklaw ang kahit anong edad, ang magtatagisan ng galing para masungkit ang korona at grand prize na US$100,000.
Mga kinatawan sa mahigit 15 bansa ang sumabak sa season two at na sinubaybayan ng 46 na milyong audience ng AXN sa 19 na bansa sa rehiyon.