Selena, enjoy sa social media step back
NILALASAP ni Selena Gomez ang pamumuhay nang tahimik dahil pansamantala niya munang iniwan ang social media, ayon sa PEOPLE.
Nitong Linggo, nag-post ang It Ain’t Me singer, 26, ng fresh niyang litrato sa Instagram (IG) kasabay ng kanyang anunsiyo na nais niyang umalis muna sa social media. Sa larawan, na may caption na “mood,” ngiting-ngiti si Selena, habang nakahalumbaba at nakatitig sa salamin.
“Update: taking a social media break. Again,” caption pa niya sa larawan. “As much as I am grateful for the voice that social media gives each of us, I am equally grateful to be able to step back and live my life present to the moment I have been given. Kindness and encouragement only for a bit!”
Dagdag pa niya, “Just remember- negative comments can hurt anybody’s feelings.
Obvi.”
Maraming ups and downs
na pinagdaanan si Selena sa mga nakalipas na taon – lalo na noong 2017 nang sumailalim ang bituin, na may lupus, sa kidney transplant sa tulong ng kanyang kaibigang si Francia Raisa. Nitong buwan, palihim naman umanong pinakasalan ng ex-boyfriend niyang si Justin Bieber ang modelong si Hailey Baldwin.
Noong 2017, nagsalita si Selana sa TIME Firsts tungkol sa mga negatibong epekto ng social media. “It’s already difficult to get up every day and just feel good about yourself without seeing the highlights of everyone else,” aniya. Dagdag pa niya, “Strength doesn’t mean that you have to put on a facade. I think strength is being vulnerable. I hope my fans learn that who they are is beautiful [and] how they can connect with people by sharing what they’re feeling.”