Interpol chief nawawala
PARIS (Reuters) – Iniimbestigahan ng French police ang pagkawala ng Interpol chief na si Meng Hongwei, na iniulat na naglaho matapos bumiyahe mula France patungo sa kanyang bayan sa China, habang isinailalim ang kanyang misis at mga anak sa police protection matapos makatanggap ng mga pagbabanta.
Dumulog ang misis ni Meng sa pulisya sa Lyon, ang French city kung saan nakabase ang international police agency, matapos wala nang balita mula sa kanya simula noong Setyembre 25, at makaraang makatanggap ng mga pagbabanta sa telepono at sa social media, sinabi ng interior ministry ng France.
Sinabi ng isang tao na pamilyar sa imbestigasyon na ang initial working assumption ay ginalit ni Meng ang Chinese authorities sa kung anumang dahilan at bilang resulta ay idinetine siya.
“France is puzzled about the situation of Interpol’s president and concerned about the threats made to his wife,” sinabi ng ministry, idinagdag na nakikipagugnayan na ito sa China.
Sinabi ng Interpol na ang pagkawala ng kanyang president ay ‘a matter for French, China authorities’
Iniulat ng South China Morning Post ng Hong Kong na si Meng ay dinampot para kuwestiyunin nang lumapag ito sa China, ngunit hindi malinaw kung bakit.
Sinabi ni secretary general Juergen Stock na humingi na sila ng “clarification from China’s authorities on the status of Interpol President Meng Hongwei.”