Journalist pinatay sa Saudi consulate?
ISTANBUL (AFP) – Ipinapalagay ng Turkish police na ang prominenteng Saudi journalist na si Jamal Khashoggi ay pinatay sa loob ng Saudi mission sa Istanbul matapos maglaho nitong Martes, sinabi ng isang hindi pinangalanang opisyal ng gobyerno nitong Sabado.
‘’Based on their initial findings, the police believe that the journalist was killed by a team especially sent to Istanbul and who left the same day,’’ sinabi ng opisyal sa AFP.
Lumabas ang balita ilang oras matapos kumpirmahin ng pulisya na tinatayang 15 Saudis, kabilang ang mga opisyal, sa Istanbul sakay ng dalawang flights nitong Martes ang nasa consulate kasabay ng journalist.
Hindi na nakalabas ng gusali si Khashoggi, contributor ng Washington Post, sinabi ng pulisya sa Anadolu news agency.
Naglunsad na ng imbestigasyon ang Ankara sa pagkawala ng mamamahayag.
Isang dating government adviser na binabatikos ang ilang polisiya ni Saudi Crown Prince Mohammed bin Salman at ang pangingialam ng Riyadh sa digmaan sa Yemen, namuhay si Khashoggi sa self-imposed exile sa United States simula noong nakaraang taon para makaiwas sa posibleng pag-aresto.
Sinabi ng Turkish fiancée ni Khashoggi na si Hatice Cengiz na hindi siya naniniwala na ‘ he has been killed’’.
Ayon kay Cengiz, bumisita si Khashoggi sa consulate para tanggapin ang official document para sa kanilang pagpapakasal.