Christian 3 beses magpapakasal
IKAKASAL na sa December si Christian Bautista, pero sa mga interview sa kanya sa taping at presscon ng dramedy na Pamilya Roces, at sa presscon ng musicalvariety show na
Studio 7, hindi niya sinabi kung kailan sila ikakasal ng fiancée niyang si Kat
Ramnani. Ang sabi lang niya, malalaman din naman kung kailan sila ikakasal.
Kaya hindi kinumpirma ni Christian kung sa December 22 na ang kanyang kasal. Ang balita pa, three times ikakasal sina Christian at Kat, para makasama ang mga taong nagmamahal sa kanila.
Hindi lang malinaw kung alin sa tatlong wedding ceremonies ang mauuna, kung ‘yung wedding sa Indonesia, sa Cavite (hometown ni Christian), o sa Manila.
Malaking gastos ang haharapin ni Christian, kaya malaki ang pasasalamat niya sa GMA Network sa ibinigay sa kanyang sunud-sunod na trabaho. Hindi siya mababakante pagkatapos ng The Clash. Kasama si Christian sa dramedy na Pamilya Roces, na magsisimula na ang airing this Monday, after Onanay. Gusto ni Christian ang role niyang si Atty. Ralph Gomez.
“Ang sarap ng feeling gumanap na lawyer, at naghanda ako by watching shows sa Netflix, reading the script at makinig kay Direk
Joel Lanangan,” sabi ni Christian.
Isa rin si Christian sa performers ng
Studio 7 na pilot sa October 14. Masaya siya na meron na uling musical show ang GMA-7 at kailangan na lang gawin nila ng mga kasama sa show ang kanilang best to have a good show na tututukan ng viewers.
Kampante si Christian sa director nilang si Miggy Tanchanco at sa creative director na si Paolo
Valenciano na isang magandang show ang mapapanood every Sunday evening sa GMA-7.
Guest din pala si Christian sa
Victor Magtanggol. Nag-taping na siya, pero hindi pa lumalabas ang kanyang karakter sa serye, kaya abangan na lang.