Muyang, NCAA POW
GINAWA ng Letran ang lahat ng kanilang makakayanan upang magapi at mabawian ang Lyceum of the Philippines noong Biyernes.
Kinailangan pa nila ng kontrobersiyal na pagrepaso sa triple ni Jaycee Marcelino sa 40-second upang makamit ang 80-79 na panalo.
Halos di na makagulapay ang mga beteranong Knights na sina Bong Quinto at JP Calvo sa final buzzer, kabaligtaran ni big man Larry Muyang na tila galing lang sa pamamasyal.
Hindi nagpatinag si Muyang sa Pirates partikular sa Cameroonian center ng mga ito na si Mike Nzeusseu, Muyang na pinatunayan ng ipinoste nyang double-double na 23 puntos at 16 rebounds buhat sa halos perpektong11-of-12 shooting bukod pa sa 4 blocks.
Dahil sa ipinakita nyang performance, si Muyang ang naging runaway choive para sa Chooks-to-Go Collegiate Press Corps NCAA Player of the Week, kasunod ng kapwa nya Letranite na si Koy Galvelo.
Ngunit para kay Muyang, ang sorpresang pagdating at panonood ng kanilang teammate Jerrick Balanza sa unang pagkakstaon.matapos ang. pinagdaanan nitong operasyon sa utak ang nagsilbi nyang inspirasyon
“Nung una, ‘di ko napansin si Jerrick tapos bigla rin nya akong tinawag kanina. Tapos parang biglang nabuhayan ako ng dugo kasi sabi nga ni Bong, yung kapatid namin nanonood.” Tinalo ni Muyang para sa lingguhang citation ang kanyang teammate na si Quinto gayundin sina Perpetual Help center Prince Eze, EAC forward Jerome Garcia, at San Beda guard Robert Bolick.
Sa kabuuan, si Muyang na sng panglimang Letranite na nagawaran ng nasabing citation ngayong season kasunod nina Calvo, Quinto, at Galvelo at maging si Balanza na nagkamit ng special award pagkaraan nitong maoperahan.